Текст молитвы:

Владыко Вседержителю, Святый Царю. Призри с Небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем.

Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков. Аминь.

О силе и действенности молитвы по соглашению еще св. праведный Иоанн Кронштадский писал, что «На личном опыте убедился, как скоро слышит Бог молитву двоих и троих, молящихся от всего сердца».

Традиция чтения молитвы по соглашению в православии имеет давние корни. Она опирается на слова Спасителя из Евангелия от Матфея: «Где двое или трое собраны во имя Мое, там Я посреди них» (Мф.18:20). Ее суть заключается в том, что верующие люди договариваются молиться о чем-либо вместе: в одно и то же время они встают на молитву, хотя бы даже их разделяли тысячи километров. Очень часто предлагается читать ее в том случае, если кто-то попал в тяжелое положение — будь то болезнь, скорбь или другие житейские трудности. В этом случае ищется несколько единомышленников, которые согласились бы добровольно принять на себя ежедневный подвиг молитвы за страждущего (страждущих), сообща вознося за него конкретную просьбу ко Господу. Для этого участниками молитвы по соглашению утверждается какое-то время, удобное для всех, и каждый у себя ежедневно становится на молитву именно в условленное время суток. Если же у кого-то не получается каждый день молиться строго в определенное время, то можно добавить эту молитву к вечернему или утреннему правилу (ведь для Бога время не существует). Хотя, конечно же, желательно стараться молиться вместе в условленное время.

Другие молитвы:

Владыко Вседержителю, Господи многомилостивый, приими коленопреклонныя молитвы и смиренныя слезы наша, приносимыя пред Святым Алтарем Твоим в сие время беды и скорби народа Твоего, приими предстательство всех святых сродников наших, коих призываем ныне на помощь и заступление, дабы свет любве Твоея, явленныя на Кресте Твоем, просветил всякаго человека страждущаго в мире сем, во тьме вражды и беззаконий сущем.

Приими ходатайство святаго и благовернаго князя Владимира, крестителя и просветителя земли нашея; приими молитву страстотерпцев святых Бориса и Глеба, научающих не поднимати руки своея на брата своего; приими заступничество угодников Твоих Антония и Феодосия и с ними всех преподобных мужей и жен, слезами покаяния души свои паче снега убеливших; приими подвиги новомучеников и исповедников, страданиями своими спасительную веру в Тя нам сохранивших; приими прошения всех святых Церкве Твоея, трудами своими землю нашу освятивших. Наипаче приими молитвенный Покров Пресвятыя Матере Твоея, Владычицы нашея Богородицы и Приснодевы Марии, Ея же непостыдным предстательством люди Твоя многажды избавленни быша от всякия вражды и междуусобныя брани.

Услыши ны, Боже, Спасителю наш, и милостив, милостив буди Владыко ко всем страждущим и обремененным, и остави нам долги наша, научая и нас оставляти обиды должником нашим, и преклони гнев Твой на милость Твою, усмиряя всякия крамолы и нестроения в державе нашей, яко Ты еси един благий и человеколюбивый Бог наш, и Тебе славу возсылаем Отцу и Сыну и Святому Духу, ныне и присно и во веки веков. Аминь.

Молитва

Господи Иисусе Христе Боже наш, призри милостивным Твоим оком на скорбь и многоболезненный вопль чад Твоих, в земле украинстей сущих.

Избави люди Твоя от междоусобныя брани, утоли кровопролития, отврати належащия беды. Лишенныя крова введи в домы, алчущия напитай, плачущия утеши, разделенныя совокупи.

Не остави стадо Свое, от сродник своих во озлоблении сущих, умалитися, но скорое примирение яко щедр даруй. Ожесточенных сердца умягчи и к Твоему познанию обрати. Мир Церкви Твоей и верным чадам ея подаждь, да единем сердцем и едиными усты прославим Тя, Господа и Спасителя нашего во веки веков. Аминь.

Просмотров (13)